في قراءة نقدية حادة وجريئة كسرت السرديات السائدة حول نتائج الحرب الأخيرة، فتحت الإعلامية نوال برّي جبهة من الأسئلة الحارقة والمحرمة عبر حسابها على منصة "إكس" معرّيةً ما وصفته بـ "الأوهام والشعارات" ومهاجمةً تحويل الجنوب إلى "أرض محروقة" فدى للمصالح الإيرانية.
وقالت: كيف انتصرنا؟
فتنا عالجليل؟
منعناه يحتل خمس نقاط بحرب عبثية اولى فدى ايران مش حتى فلسطين؟
منعناه يعمل اغتيالات عالطالع والنازل ب كل زاوية من البلد؟
طيب منعناه يقرب عالقرى الحدودية يلي صارت اليوم رماد؟
منعناه يوصل عبنت جبيل واخواتها يلي صارت حرفيا ارض محروقة؟
منعناه يقتل الابريا ببيوتهن؟
منعناه يقتل الشباب يلي عم تقاتل ، بأسلحة بدنا مية سنة ضوئية لنشوفها؟
طيب منعناه يهجر اهلنا ويدمر الجنوب؟
منعناه يبقى ب٦ بالمية من ارضنا؟
الاهل يلي رجعوا اكيد حاسين انو منتصرين انو بيكفي خلصنا من قهر النزوح ورجعنا ع ارضنا.. بس هيدا مش انتصار هيدا قمة اليأس وقمة القهر انك بس بدك ترجع ع ارضك.. علما انو اهل ال٦٪ بعد ما رجعوا بس في منهن منتصرين لان هني القضية الايرانية اهم الهن من الضيعة كلها والجنوب كلو وفداهن كل شي.. فا ايه منتصرين لان ايران والشيطان الاكبر رح يعيشوا مبسوطين.. وانتو خليكن قبلانين تتخبوا ورا اصبعكن بشعارات واوهام اذا سقطت بتسقط معهن كل الحياة يلي بنيتوها ع اساسهم والخساير يلي تقبلتوها بإسمهن.
×
![]()